الطمع طاعون.. المرتزق حاجب مبقاش قادينو فلوس الجزائر ولا طامع حتى فالبوليساريو!
مع حويجيبة مش حتقدر تغمض عينيك، كل مرة سيناريو جديد عمركم تحسو معاه بالملل، البارح ثاني خرج لوطيغوغيست حاجب بفيديو جديد رفقة نجمة روتيني اليومي دنيا فيلالي، في محاولة بائسة لإضفاء طابع حقوقي فداك الضوسي الباهت عندو عالله و عسى يغطي فشله الذريع في إقناع الأمم المتحدة بسلوكياتو حول التعذيب الذي يدعي أنه مورس عليه من طرف المغرب.
بعدما تبخرات احلام حويجيبة فالحصول على تعويضات من المغرب السيد مالقى مايتبث ضد المملكة فشلات كاع رهاناتو، قال مع راسو أجي نبدا نضرب فسمعة المغرب، ماقدرتش نتبت راني تعدبت أجي نخدم مع جار السوء هما أصلا غير عشرة فعقيل، شوية ديال سبان و البهتان و التدليس، و نروج داكشي لي باغين و نسمعهم أش حبو و هاني قاضي الغرض ودنانير الجزائر في جيب، السيد لاهو لا رباعتو ديال شبه المعارضة عارفين من أين تؤكل كتف الجزائر.
المهم ماعلينا، لوطيغوغيست حويجيبة مابقاش غير مع الجزائر بوحدها، السيد داز لجبهة الوهم ولى حتى هي خدام لمصالحها غير باش يضر بمصالح المغرب بمنطقة الصحراء الكبرى و كيعترف بيها بالعلالي و الخيل يشالي بوجهو حمر، واخا صراحة ماعرفتش باش غيخلصو بنبطوش واش بالعملة الجزائرية و يلا يمكن يهدي ليه خيمة بتندوف.
و هانت أ حويجيبة راه واخا كظل تسب و أحلامك بالتعويض من عند المغرب مشات راك مزال عايش من خيرو و يكفي أنك تسب المغرب فيويتوب فلوس كابرانات العسكر و حبيبتهم البوليساريو كطيح عليك بحال شتا.
