زكرياء مومني طار ليه الفريخ .. ويعاني من إضطرابات نفسية حادة

الحمدلله الذي عافانا مما إبتلى به غيرنا، أقل حاجة ممكن نقولها ملي كنشوف حالة البوكسور ديال الله يحسن العوان زكرياء مومني، النصاب مشا بعيد فمسألة المؤامرة ولى غير كيهتر، واش كيشوف شي حاجة مكنشوفوهاش ولا كيسمع حوايج  مكنسمعوهمش حنا وصراحة حالتو النفسية التشخيص الوحيد لي نقدرو نعطيوها هي الشيزوفينيا وفمراحل جد متقدمة و صعيبة، محتاج لتدخل عاااجل شي حد يدير فيه هاد الخير و يرحمنا من الخرف ديالو.

و باش نرجعو لمسألة المؤامرة لي ذكرت فالفقرة الأولى، و لي أساسا كتستمد قوتها من الأوهام و تخيلات لردم الفراغات لي كيكونو عندنا فشي قصة، السيد ناض قالك حكا الملك محمد السادس هو لي عطا الأوامر ديالو باش المنتخب الوطني يتقصى فالدومي فينال ديال كاس العالم. وباش زاد كملها قالك هاد الإقصاء كان بالإتفاق بين الملك محمد السادس و ماكرون ويلا هضر مع هذا دبا .

واخا زكيكو، نمشيو معاك فهاد الإحتمال لي أكيد أي إنسان عندو ذرة ديال العقل مغيصدقوش و غادي يشبع عليك ضحك. ملي أنت باغي تحط نظرية المؤامرة، علاش ماتقولش الفيفا ماباغاش شي فريق عربي يوصل للفينال ولا يتوج كاع بالكاس؟ خصوصا و أنه كاين كتاب لديفيد كون بعنوان “سقوط الفيفا ” كيفضح فيه الفيفا و كيتهامها بالفساد و بشلا حوايج. و هادشي كيبقا أقرب حاجة الواقع علاش ديما كتختار تتهم الملك محمد السادس و المؤسسات المغربية؟ وتمسح فيهم أي حاجة، شنو زعما يا عطيوني فلوس و خليوني ننصب عليكم يا لي وقعات أنتما ماليها .

زعما باقي مزال ماستوعبتي أن هاد الخرجات لي كدير و هاد التطاول ديالك وانتقاداتك للأنشطة الملكية الرسمية و حتى الحياة العائلية للملك محمد السادس، كيبينوا قداش انت إنسان وغد، وغير بالعقل انت فاش غادي تتنقد إستقبال الملك للمنتخب الوطني غادي تبان زعما واو كاين! راه غادي تجمع عليك غير دعاوي الدنيا و الدين ديال المغاربة، الشعب قاطبة فرحان شاف الملك فخور بإنجازات لي حققها المنتخب و الحمدلله طمنوا عليه و على صحتوا و انت جاي ضرب فهادشي، فيق معانا شوية راك غير كتخرف.

وسبحان الله، الخبث لي فيك عجيب بلا قياس أولا يمكن الغيرة و الحسد كيهضروا، و الدليل فاش عيبتي التنظيم و التأمين ديال رجال الأمن لحدث إستقبال الأسود لي خطف الأنظار و الإعجاب ديال ملايير البشر وقالك المغرب دار لي ماداروش المتوج باللقب و تجي انت تقول لا أشكون أنت بالسلامة؟ ولا قولينا مكرهتيش تكون فديك البلاصة غير خرج من رونضتك.

ناس اللوالا كيقولك إن ظهر السبب بطل العجب و أنا كيبان ليا غير نعذروك و صافي أصلا انت كائن مرفوع عليه القلم، و هادشي بإعترافاتك وشهادة ديال صاحبك، لي إعترفتي ليه و قلتي من بعد ماعنيفتي مراتك مسيكينة بلي تصابيتي بخلل عقلي و أنت مقصر فشي كومبا، ووليتي لي جا فطريقك تخرج فيه الإضطرابات ديالك الشي لي خلا صحايبك يقترح عليك تمشي عند طبيب نفسي و لكن الخوف من أنهم يسدو عليك فسبيطار للأمراض العقلية خلاتك ماتسمعش كلامو .

ونزيدك من الشعر بيت كيفاش بغيتي المغاربة يتيقوا فيك ويصدقوا خرايفك، و أنت عرضتي شرفك على صاحبك و طلبتي منو يدوز ليلة مع المدام، دبا فنظرك هادو خصايل ديال إنسان شريف و انت هنا كتجسد لينا المثال الحي ديال عندما تحاضرك العاهرة فالشرف إنسان ماكيصون شرف ماكيحفظ مودة  ولا صداقة سافل.

الحصول و مافيه صاحبك دار خير فالناس ملي فضحك ونشر الوسخ ديالك عالله و عسى يعيقو قبل ماتعطب شي حد ولا تنصب عليه ، والله يجيب ليك الشفا بان ليا قطعتي وراقك مع الباسبور ديالك يلا تهلا .

 

 

 

 

 

 

 

 

 

 

 

مقالات ذات صلة

زر الذهاب إلى الأعلى