كاريكاتير | نفاق جماعة العدل و الإحسان بين عدائها للدولة و دفاعها عن الإسلام

ألو ألو والجماعة فيقي معانا، القرآن هذا!!

اليوم منبرنا ماروك ميديا قرر انه يمنح مكافئة قدرها 100 ناقة لمن يوقظ جماعة العدل و الإحسان من سباتها العميق، ويقول ليهم باراكا  فيقوا راه خمرتوا، و حتى إذا كانو مصيفين شي حد يشرح ليهم راه صيفو بكري هاد العام و طولو فالكونجي، و المسألة لا تحتمل هاد الصمت العقابي ديالهم، واش لهاد الدرجة الجماعة الإسلامية ولات تتعفف عن الدفاع على المقدسات الإسلامية لأمة سيدنا محمد ﷺ ، قلبوها علمانية ولا كيفاش ؟

المتتبع لحادثة حرق المصحف الكريم بالسويد، غادي يكون شاف الإدانات و الإنتقادات الواسعة اللي رافقات الواقعة، مكاينش شي مسلم ماضرباتوش النفس على إحراق المصحف إلا قناة ريفيزيون و ماليها ناضو بثو واحد الحوار مع اللاجئ لي حرق المصحف، و كيبررو ليه ويدعموه بشكل غير مباشر.

حتى لهنا حنا ماشي سوقنا، لي كيهمنا فهاد الحادثة هي ان قناة ريفيزيون طالما كانت بوقا و منبرا، لتمرير خطابات الجماعة الإسلامية، وبما ان بوق العدل و الإحسان عاود بث حوار سلون موميكا فهذا كيعني ان الجماعة راضية على موقف هاد الأخ و كتضامن معاه حتى هي، خصوصا و انها مزال ما هداها الله تخرج لينا بشي توضيح.

سياسة ضريب الطم لي دايرا العدل و الإحسان قيادة و قاعدة بخصوص هاد الواقعة غريبة جدا مابغاتش تفهم لينا، خصوصا و انه دأبنا على خرجات وتعليقات حسن بناجح لي مكيزكل والو، فمو واسع لدرجة خاصو غير إمتا يخرج ينتقد تحت شعار من رأى منكم منكرا فليغيره بيده، فإلم يستطع فبلسانه، شنو زعما قرر هاد المرة الاخ بناجح يغير المنكر بقلبو وذاك أضعف الإيمان ولا كيفاش؟

حسن بناجح
حسن بناجح

إسهال بناجح في كل مايتعلق بأمور الدولة وسياستها فجأة تحول إلى إمساك، ونهار وقف عليه الإسلام و المسلمين شداتو اللقوة و مابقينا كنسمعو ليهم فحيح، و إن صح التعبير سمهم كيطلقوه غير على الدولة والمخزن، قالك الشهادة في سبيل الدين أنتما جوج كلمات ماقدرتو تنطقوهم كون غير بدلتو هاد الكونسبت عندكم ولاهيلا نوليوا نحتارمكوم غير رحمونا من هاد النفاق و جوج وجوه ديالكم.

والحصول و مافيه كان الله في عون المخزن و الدولة من شر جماعة العدل و الإحسان وما خلق، ونختتم مقالنا هذا و نسأل اللهعدل أن يبعد عن وطننا شر المنافقين و خبث ذو الوجهين، و نصرة الإسلام و المسلمين و يعوضنا ربنا بشي عمر، حسن من عمر إحرشان و شي حسن خير من حسن بناجح هاد الناس ماخداو من سميتهم والو  و جماعتهم بينها و بين العدل و الإحسان غير الخير و الإحسان و السلام عليكم و رحمة الله تعالى و بركاته .

حسن بناجح
حسن بناجح

مقالات ذات صلة

زر الذهاب إلى الأعلى