طاحت الصمعة علقوا الحجام.. حسن بناجح: طوطو وغلاء الاسعار وراء فضيحة باعسو الجنسية
شر البلية ما يضحك، سكريتير الناطق الرسمي بإسم العدل والإحسان حسن بناجح، خرج كيهاجم المخزن و كيقول بللي الدولة كانت كتربص ليه بزميله محمد باعسو، و بلي هي لي سلطات عليه هاديك المطلقة باش تستدرجو و تقولو”هيت لك”. ويتشد خلال فترة الرعدة الجنسية بسيارته، كون أصلا قال: ليها “ما عاد الله” كون راه جالس حدا ولادو و لكن الغالب الله البلية صعيبة، خصوصا بلية مابين الأرجل الحال مايشاور، أنا عندي واحد التساؤل دارني فراسي واش هاد الخوانجية ديال الله يحسن العوان، ماعرفينش داك الحديث ديال إن ابتليتم فاستتروا شفتهم كاع كيحصلو مقنتين فطوموبيلات واش هو فانطازم ولا عندهم أزمة ديال برتوش ؟
المتناقض مع نفسه و لي كيجيد التجارة فالدين و كيقهرنا بخطابات الدين و الشرع، ليوم جاب الربحة و خرج كيدافع على الزاني ديال صاحبو باعسو، وكأن الدين يسري على عموم الشعب و مكيسريش على صاحبو ،ولا حتى على وليدات العدل و الإحسان، واش ماقراوهمش فجماعة ديالهم أن كل جوج كيتلقاو إلا و ثالث ديالهم الشيطان، و لا الدروس والمواعظ ديالهم كيقولوهم غير للمغاربة باش يسوقو لينا ديك الطهرانية ديالهم و يكسبوا تعاطف ديالهم.
حسن بناجح من بعد ما فشل فأنو يتبث راه المخزن مستأصد صاحبو، خصوصا من بعد مالقاو عندو سيرة ذاتية ديال دوك المستضعفات، في المحتويات الرقمية ديالو كدليل على مقايضته ليهم. الخدمة مقابل بريكول جنسي، و من بعد مابان أن باعسو قديم فالحرفة و هاديك المطلقة ماشي أول ضحية ليه و السيد متعود على هاد الممارسات في إستغلال كل وحدة كدق بابهم كتقلب على طرف الخبز، ناض خرج لينا بأطروحة جديدة أن المخزن إختار يفجر هاد الفضيحة فالذكرى الأربعين من الزندقة ديال العدل و الإحسان.
الغريب فالأمر هنا هو جمل كيشوف غير فحدبة صاحبو ماكيشوفش حدبتو، سيهم بناجح كيشرع لباعسو الخيانة ديال مراتو و كيحلل إرتكاب الفاحشة و المنكر في قارعة الطريق، و كيطهر افعال جماعتو المدنسة أصلا، عبر إجترار خبر إعتقال طوطو، على أساس أن الدولة تسترات على فضيحة طوطو، واش هاد خونا كان مغيب ملي تشد طوطو ؟ ولا كيعيش فالعالم الموازي؟ واش مالقى غير هاد الحجة؟ لا و المضحك المبكي هنا و أخر ماقطرات بيه “لاماتييغ كريز” ديال مخو إعتقال باعسو جا غير باش يغطي على موجة الغلاء لي كضرب المغرب.
أسير قول صاحبك يجمع راسو ويحضي مرة مرة سنسلة ديال سروالو، ياكما كتحل ليه فيما كادوز شي مرا و يشوف شي حل لهاد البلية راه إلا بقا تابعها راه غطيحو فالزوبية.
