كاريكاتير | علي المرابط.. مرحبا بك في عيادة “ماروك ميديا” !
هلو هلو بالسي علي المرابط كيف الحال ؟
مرحبا بيك في العيادة النفسية “ماروك ميديا” نهار كبير هذا أمضرا كاين شي تحسن فالحالة النفسية نتاعك معانا بديتي ترتاح شوية ولا مازال ؟
السي علي، انا اليوم هنا غير باش نزف ليك البشرى ونقولك بما انك من المرضى الوفيين لينا وفان كبير ديالنا قررنا كجزاء ليك نزيدو نكثفوا من زياراتك لينا و من الحصص العلاجية، ديالك معانا لعل وعسى تماثل للشفاء في أقرب وقت، وبلاما تشكرنا كنقومو بالواجب ديالنا إتجاهك السي المرابط.
المهم باش نوضعو الناس فالسياق، وحيث كيما كتعرفو حنا منبر بغيت نقول عيادة محترمة مستحيل نفشيو سر شي مريض عندنا دون الموافقة ديالو حفاظا على الخصوصية ديال الحالات لي كيتوافدو علينا أكيد، قررنا اليوم بعد الموافقة الشخصية ديال السي علي المرابط نتكلمو شوية على الإضطرابات لي كيعاني منها المرابط و المتلازمة ديالو و لهدف توعوي طبعا.
كيفما كتعرفو جميع لكل مرض نفسي علاماته و أعراضه الخاصة بيه، و كتشخيص للحالة النفسية ديال السي لمرابط فالصدمات النفسية لي تعرض عليها جراء الإستغناء عن الخدمات ديالو في وزارة الخارجية بسباب تورط ديالو في الإعتداء و التحرش أثناء ممارسة مهامهه بسفارة الأرجنتين أثرت عليه، و تسببات ليه في إنهيار عصبي.
هاد الانهيار لي صاب علي المرابط كان المفروض انه يكون مؤقت، ولكن مع الأسف المقاومة ديالو ليه والتفكير فالحال لي وصل ليه عوض التسليم والرضى بقدر الله خيره وشره، خلى مشاعر الحقد و الإنتقام يتغلغلو لداخل عندو و بالتالي شي حاجة عادية إلا قلنا ان هاد السيد تصاب بالفصام بحيث انه ولى كيفسر الواقع بشكل غير طبيعي وهو ماينتج عنه كثرة الهلوسات والأوهام وهادشي كيفسر لينا علاش السيد مهووس بنظرية المؤامرة و سبب إيمانه الشديد بأنه مستهدف من المخابرات.
السي علي إستطع أنه يقنع راسو بأنه صوت مزعج للمخزن و هادشي علاش هاد الأخير كيستهدفوا مع العلم انه لا يحرك ساكنا و لكن الإيغو ديالو ضخم لو هادشي في عقلو وخلاه يتعزل على الواقع، مع العلم ان واقعه يوحي بأن السيد مسكين يعيش التهميش و العزلة حتى انه أضحى منطوي على نفسه و حتى من الخدمة لي كيدعي انه كيمارسها إعتزلها و إكتفى بفيديوهات روتيني اليومي على يوتيوب.
الإضطراب الثاني لي كيعاني منو السي علي المرابط هو متلازمة ستوكهولم، و هي متلازمة من خلالها كنقدرو نفسرو الإستجابة العاطفية ديال شي شخص و لي كيولي وفيها المصاب حاير في الاحاسيس ديالو ماعرفش واش يبغي ولا يكره و في الأغلب الحالات المصاب كيبغي الإنسان لي كيعذبو وحيث المخزن تخلى على الخدمات ديال علي المرابط و طردوا من الجهاز ديالو، فعلي بكثرة ماحقد الحقد ديالو تقلب لهوس و حب واخا يبين انه حاقد و ساخط و ماحملش ولكن فالداخل ديالو كل حب، و فاش كيشوف أي واحد جبدو كيحاول ينسبو للمخزن باش يحاول يرضي الإيغو ديالو وأن المخزن راه باقي فايق ليه مع الأسف مشاعر اليأس والفراغ و إنكار الواقع كيخليو علي المرابط يولي بحال شي واحدة طلقات وباقا كتحن لراجلها و كتحاول تقنع في راسها ان داك السيد باقي باغيها و أي حاجة دارها راه باش يلفت إنتباهها.
على العموم السي المرابط ولو أنه المشخص ماخاصوش يدلي بأحكام ديالو ولكن ننصحك بأنك تبدا تقبل إختلافات الرأي ماشي كلشي غيكون غادي معاك فنفس الخط وليس هناك أي داعي باش انك تهاجم أي واحد إختلف معاك هادشي ماغاديش يساعد على التشافي بسرعة غادي غير يعرقل لينا العملية برد على راسك شوية و رخي فيك النفس راه المخزن و المخابرات مافيقنش ليك كلها من وساوس النفس، و خود ليك جوج 3 حبات ديال Chlorpromazine قبل الأكل أما بخصوص متلازمة ستوكهولم فغادي نبقاو غادين غير بالعلاج السلوكي حتى نشوفو فيت غيوصل معاك هادشي و كنشكروك على الإهتمام ديالك بمنبرنا المتواضع و التفاعل ديالك معاه و السلام عليكم و رحمة الله.
