وهيبة خرشيش ترقص رقصة الديك المذبوح و أنور الدحماني يعدها بفرشة عالمية وهذا سر العكر الفاسي

كاين واحد النوع ديال الناس كيكون غارق فنعم الله و ستره، ولكن كنشوفوه ديما ساخط و ديما يشكي و كيتيق راسو مسكين و مظلوم حتى كتولي تكبر فعينو كل شدة و تصغار كل نعمة، وكيوصل لمرحلة شقاء الروح و طمس الرحمة الإلهية الي غارق فيها صباح و ليل،  ومن تدليس إبليس لهاد ناس كيوهمهم باش يصبروا فالوقت لي فالحقيقة راه خاصهم يديرو قيام الليل عل وعسى يحمدوا الله حق حمده.

بلاشك غادي تسألو علامن كنهضر وبكل بساطة غنجاوبكم ونقولكم على المعذبون في الأرض، واحد الشلة كانو هانيين حتى لعب بيهم الشيطان و محمدوش الله وقالك أجي ننشقوا و نعارضو راه حنا مقهورين و المعارضة فيها اللعاقة حتى صدقو لا ديدي لا حب الملوك.

و من بين هاد الرباعة اليوم غنخص بالذكر ضابطة “الإيقاع” وهيبة خرشيش أو كيفما معروفة عندكم كاملين “الهاربة” من العدالة. و باش نفهموا كاملين سبب هاد اللقب خاصنا نهضرو شويه على الباغكوغ ديال هاد الباطرونة و كيفاش كانت منعمة حتى زاغوا ليها العينين.

المهم هاد السيدة كانت خدامة في أمان الله و حفظه، حتى 2014 طغات و و تجبرات وغرها منصبها و السلطة لي عندها و تكرفصات مزيان على الزميلة ديالها لي كانت معاها في خلية العنف ضد النساء فهم تسطى.

حتى لهنا حنا مسوقناش القضية خرجات ليها سالكة ورسالة إنذار، غدوز عامين و وهيبة غادي يسخن عليها راسها و توحش المشاكل و غتشكي بالمدير الإقليمي ديالها، و غتقول السيد تحرش بيها و كان غادي يغتصبها. العجيب هنا هو أن هاد السيد هو نفسو لي كانت طلبات تشوفو لنفس السبب لي خلاها ترفع شكاية ضدو و هو تحرش و محاولة إغتصاب من طرف الزملاء ديالها، السيد جات تشكي عليه حتى صدقات شاركاه معاهم.

المفتشية العامة خدات الإجراءات ديالها، و تصنتوا ليها في إطار التحقيق و داكشي وترفع تقرير حول الوقائع لي قالت عليهم هاد السيدة و المسطرة القانونية مشات فالإجراءات ديالها حتى كتبين أن “فاتن حمامة” زمانها كتعيش فالعالم الموازي وعندها الإيجو طالع و كاع داكشي لي إتهمت بيه المدير الإقليمي و الزملاء ديالها باطل، و كيتم تبرئة ديالو واخا طلبات الإستئناف و مشات للنقض، ولا يظلم ربك أحدا.

الهاربة وهيبة ملي ماصورات والو، من الباطل ديالها ناضت كل مرة كتخرج بفيلم “مش هتقدر تغمض عينيك”و كل مرة شهادة طبية حتى إنقطعات عن العمل بدون مبرر.

رغبة وهيبة في الإنتقام عمات ليها العينين وتفاقمت، تيقات راسها ضحية الشي لي خلاها تقصد المحامي زيان باش يخلي من قضيتها قضية رأي عام و قضية سياسية خصوصا و انه معروف بمثل هاد القضايا لي كيخسرهم وكيخرج فاللخر على الموكلين ديالو، و هنا فعوض زيان ماياخد ليها حقها المزعوم خداها كاملة، ولات صاحبتو مكاين غير الطاسة و القرطاسة و ليكادو والليالي الملاح.

السيد خدا ليها سيارة، إيه نعام سي و أكيد هادي حاجة مكيديرهاش مع كاع الموكلين ديالو. المهم كثروا اللقاءات الغرامية بيناتهم حتى لواحد النهار غيحصلو بالخيانة الزوجية، السيدة بلا حشمة بلا حيا و مرات الراجل يا حسرة إستغلت إقامة راجلها بمريكان و جلسات تزني مع رجال أخرين و معامن مع زيان. الله يا بنت الله، و كدليل على هاد الخيانة تسرب فيديو للهاربة و هي كتمسح لزيان فالمصاصط ديالو فواحد لوطيل، وباش منطولوش فهاد التفاصيل البورنوغرافية، وهيبة غتجيب تنازل عن الخيانه من عند راجلها لي خاصو العصا حتى هو، وغادي تهرب لأسبانيا بالمساعدة ديال الشوكر دادي ديالها لي عندو الجنسية الإسبانية واستغل بعض العلاقات مع أشخاص إسبان، سهلو عليهم المأمورية، إيه الحب شحال صعيب.

وهنا غتبدا علاقة وهيبة بأنور الدحماني المعروف نور زينو و لي إستعن بيه محمد زيان ووصاه على حبيبتو حتى تكمل إجراءات الهروب لأمريكا، بحكم أن السيد عندو لجوء إنساني وعارف المسطرة لي غتخليها تاخد حتى هي اللجوء.

الناس تعاشروا ولاو صحاب لدرجة ولات تجند فنور زينو هي و زيان ضد المغرب والوقت لي سيد إكتشف الحقيقة وقرر يفضحهم، ناضو كيقولو بلي سيد مثلي جنسي و جزائري … هاد المثلية ماكانتش باينة ليك، انت وغيرك ملي كنتوا صحابو وهاد الأصل ديالو مكنتوش تشوفوه ديك ساعة و لا حتى ناض يفضحكم عاد وليتو نهضروا على ميولاتو.

المهم أنور الدحماني باينة شاد شي ضواسا مكيحين على هاد الهاربة لدرجة عام و الزيادة و هي معتزلة للساحة غير بدا يفرش فيها هي ورباعتها و هي تخرج بفيديو باش تنفي زعما علاقتها بيه ساعة صياد النعام يلقاها يلقاها، جات تكحلها عماتها و دوك الدلائل لي كتقول عندها كيورطوها كثر ماكيبرؤوها واش سيد كيهضر معاك فالتيليفون بكل أريحية و حميمة بحال كيهضر مع صاحبتو و أنت كتوصي فيه على العكر الفاسي و كتقولي مكتعرفيهش وحكا ما عرفتو حتى لشتنبر 2022، أختي راه مكنطلبوش العكر الفاسي من عند ناس لي يالاه عرفناهم.

الحصول ومافيه وهيبة جابت الربحة بهاد الخرجة كون بقيتي غير مبعدة على هاد الحريرة أش داك لهادشي واش مكتعلموش من أخطائكم كنتي تشوفي غير حالة زيان و تكمشي ولا ضرباتك النفس على الحب و لا طمعتي و بغيتي تشدي من عندو المشعل، المهم أنا بعدا غنتسنا هاد الضواسا لي شاد عليكم أنور بفارغ الصبر نهرسو بيكم شويه الملل لي كيجينا ولاهيلا كتنشطونا.

#فضيحة_هروب_وهيبة_خرشيش