حوار ساخر بين زكرياء المومني ومحمد حاجب وفسحة .. حينما يجتمع الخونة للتشويش على نجاحات وإنجازات المغرب

– المومني: خاي فسحة شفتي العياشة والعبيد ربحو..احسن عوانك نتا معاهم ف بلجيكا.

– فسحة: خليها ع الله كونت تنقول الزريبة غادي يخسرو وموجد لايف هاد الليلة.. ساعة لا ديالنا بقا ولا وجهنا تنقى.

المومني: آشمن وجه كتهضر عليه؟ نتا بعدا مرضي بهداك الماسك ديال القرد لي كتدير اما أنا مابقا عندي وجه من نهار لي حصلت كنحسب لفلوس ديال المخزن.

– فسحة: عرفتي أ خاي زكريا…الآلاف المؤلفة ديال العياشة خارجين دابا ف بلجيكا ..النشيد و تصاور الملك و الراية المغربية…

– المومني: حتى هنا ف كندا…دابا خاصنا شي كدبة نروجوها رآه القضية صعيبة عندنا.

– فسحة: غير وجد ليا نتا لكدبة و انا معاك.

المومني: شوف نقولو الحموشي فاش كان فقطر اختارق مكان إقامة المنتخب البلجيكي و شرا الطباخ ديالهوم بلفلوس ..وهاد الطباخ دار مواد مهدئة ل اللعابة د بلجيكا داكشي علاش لعبو ثقال ودايخين.

-فسحة: ولكن نتا قولتي الحموشي ما استقبلاتوش قطر مزيان ..ثانيا شنو هو المصدر ديالك لي غادي نكدبو بيه؟

– المومني: الله يهديك أ فسحة..انت زعما قرد و كتفهمها طايرة.. الحموشي كان معزز مكرم ف قطر..ومن بعد راك شفتيه مشا للسعودية معزز مكرم..ومن بعد راك شفتيه دار العمرة كيف شافوه كاع لمغاربة و عجبهوم…هو دار العمرة و حنا باقين معمرينها كدوب و طحرميات حتى حاجة ما بغات تصدق لينا.و قبلا كان ف مريكان و اسبانيا و فرنسا…ولكن أنا الدور ديالي نكدب عليه و نكدب عليه إلى يوم القيامة.. واش نسيتي التعليمات ديال سي زيان؟

فسحة: سي زيان دابا ف الحبس مسكين.. جحا هو لي طلع رابح من هادشي كولو…كاع الدنوب ديالو تمحاو..زيان كيهضر بيه ف صباح و ف الليل فالحبس.الله يطلق سراحو. المهم عطيني شي مصدر نكدب بيه ف اللايف ديالي.

المومني : المصدر هو داك لفرنساوي لعطاي ديالي غير زعم أخاي فسحة…أنا مولف بلكدوب ونتا
وجه القرد ماعندكش علاش تحشم.. المهم مانبقاوش بلاش.

– فسحة: أنا كنقتارح نتشاورو مع الأخ حاجب هو معروف كذابpro max ينفعنا ينفعنا.

-المومني: ok ولكن غير bipih
ما تصونيش عليه ..مراتو رآها قاطعاها فيه حيدات ليه التلفون..قالت ليه شوهتيني أنا وولادك ورجعتينا معواقين وما شفنا معاك لا 5 ولا 10مليار. قالت ليه التعذيب لي كدبتي بيه على المغرب أنا لي دابا غادي نديرو لوالديك هنا.

– فسحة: ok خويا مزيان منين علمتيني داكشي علاش ماكيجاوبنيش هاد الأسبوع ..

– فسحة: allo allo خاي حاجب كيف الأحوال رانا كنهضر غير بشوية عارف شنو كاين؟

– حاجب: سلام خاي فسحة سلام.

فسحة: مالك ياك لاباس؟

– حاجب: من نهار تشد زيان وأنا كنحلم بيه..ماكنعسش..كيوقف علي عريان و تيقول لي doug لي شي بْرا و لا ركب لي شي سمطة انا بغيت نموت..أنا ما بقيتش قاد.

-فسحة: بْرا؟ سمطة؟؟ ما مفهمتش أخاي حاجب فسر لي هاد الرؤية عافاك.

– حاجب: هادا رآه كوشمار ماشي رؤيا..الرؤيا كيديرها المؤمن. زيان عارفني إرهابي عندي مع الأحزمة الناسفة وإلإبر السامة..مسكين كان تيكدب علي بالموت الرحيم و دابا تشهاه و مالقاهش.

– فسحة: إوا شنو درتي أخاي حاجب..حط غير المصحف حدا راسك و متخافش.

– حاجب: درت المصحف و ماصدقش..المصحف تيخدم للناس المؤمنين ماشي المنافقين بحالنا..زيان تيجي لي بالليل عريان وكيشتف علي.. وليت أخاي فسحة كنحط حدا راسي واحد التميمة فيها تصويرة وهيبة وحبة فياغرا…الحمد لله هاد اليومين منين وقف علي زيان ماضربنيش هز التميمة ومشا.

– فسحة: خاي حاجب تشاورت مع المومني بغينا نديرو شي كدبة ونضربو ف الصفر هاد الفرحة ديال لعياشة و العبيد لي ربحو بلجيكا شنو بان ليك خاصنا شي كدبة.

– حاجب: أولا ما تبقاش تابع داك المومني فلكدوب ديالو على الحموشي ف قطر…أنا ب وراقيا و تصاوري و ب المحامين ديالي و الخبرة الطبية وحصلت… عاااد المومني لي كيهضر غير ب بالمصادر لي ماكيعرفها غير هو. فراسك تاصلت بيه قلت ليه يشوف لي داك صاحبو لفرنساوي العطاي لي ف قطر يضبر على ولدي ف شي ورقة يدخل يتفرج فماتش ألمانيا ضد اسبانيا قالي را غير تيكدب مكاين لا مصدر ولا يحزنون..رد البال معاه رآه ولى مدخل لفلوس بلكدوب..أي جامعة كندية بغات دير دراسة على الكذاب بالفطرة كتجيبو وتخدم بيه و تخلصو.

فسحة: كونتي تشوف مع صحابك الألمان؟

حاجب: رانا قلت ليك حصلت ب كدبة التعذيب. حتى الألمان قلبو عليا خليها ع الله و صافي. واش فراسك الأهل ديالي شرات سواك و حطاتو ديكور فالدار؟

فسحة؛ علاش أخاي حاجب؟

حاجب: كيف كتعرف المدام ديالي هي لي كتقري دراري و كتراجع معاهم حيت أنا مقابل اللايفات و تنوعير ولكدوب… حطات داك السواك باش فين ما دارو ولادي ف الدار يتفكرو أن لكدوب ما مكيوصلش وما كينفعش وباش يكونو عقلية مسلمة ألمانية ما ماكتعرفش لكدوب..ماشي بحالي أنا لي شوهت الإسلام و المسلمين. الحاصول كتنتاقم مني بطريقتها.

-فسحة: داكشي علاش قال لي المومني رآها كتعدبك؟

– حاجب: تماما أخاي فسحة..بقيت مقابل لكدبة ديال التعذيب و مقابل لكدبة ديال الموت الرحيم حتى وليت عايش ف التعذيب الرحيم وفين؟ ف داري و وسط ولادي.

– فسحة: دابا واش نكدبو على الحموشي ف هاد لبريكول جديد ولا بلاش.

– حاجب: خاي فسحة بغيتي الصراحة…أنا و نتا و المومني و زيان و الفلالي و زيد و زيد طحنا ف مجموعة صعيبة…مجموعة “الموت” بحالنا بحال مجموعة المغرب ف المونديال… حتى واحد فينا ما غادي يطفرو ..راحنا خاسرين قبل ما نلعبو معاهم dgst فالدفاع dged فالهجوم و dgsn فالوسط.. قول ل داك المومني را capitaine ديالنا سي زيان مشا للحبس…لي عندو شي غار يتكمش فيه حتى يدوز المونديال…وإلا العياشة و العبيد غادي يهجمو علينا حتى لديورنا يشدونا و يسلمونا ليهوم…

فسحة: كاينة عندك الصح….حتى انا نهبط الريدو ونتكمش..ما فيا ما نحلم ب زيان…لي خاف نجا.

زر الذهاب إلى الأعلى