بوق إعلامي تابع لمحمد زيان يكذب على الرأي العام بشأن تضامن المحامين معه ومطالبة إطلاق سراحه لا أساس لها من الصحة
و أنا خارجة هاد الصباح القهوة، نشد شي بلاصة و كرسي مزيانين باش نقدر نتفرج فماتش المنتخب بكل أريحية و نيت نشربو أول قهيوة هاد نهار، حتى خرج ليا واحد الفيديو ديال موقع الحياة اليومية لي هو البوق الإعلامي للساقط الشارف محمد زيان، قالك حكا ما حكا المحامون يطالبون بإطلاق سراح النقيب زيان رمز مؤسسة النقيب في وجه عبدالنباوي وداكي.
فضيحة مابعدها فضيحة، مضمون الفيديو فالشرق، و العنوان لي حاطين الإخوان فالغرب ماعرفتش واش كيضحكو علينا و لا كيضحكوا على راسهم، وعلى الأقل كانوا يحطوا غير شي عنوان مثير بحال الفضايح ديال مول الشي عندهم ،كانوا بعدا غادي يتنفعوا بفلوس الأدسنس، عالعموم ماشي شي حاجة جديدة موقع ديال زيان أش غنتسناو منو من غير الكذوب و الخرايف والأخبار العارية من الصحة بحال نهار تشدات المؤخرة ديالو عريانه مع وهيبة.
وصراحة هاد لافيغ كتخليك تسخط و تسب زيان و رباعتو بأقبح الشتائم، كيطلعوا فشي حاجة كثر من الراس كل نهار فيلم و كأن الماثل أمام القانون ملاك منزل من السماء، يتقبلوا فكرة لي دار الذنب يستاهل العقوبة و يهنيونا من هاد الهرطقات شي حد يقول ليهم يا هاد الناس راكم ماديال محاماة ماديال صحافة.
وبالعودة لقضية الفيديو لي معنونو موقع الحياة اليومية بطلب إطلاق سراح زيان، واش نسا رئيس التحرير ولا حتى لي كاتب لاغتيكل بللي هيئة المحامون بالرباط هما لي طيطكوا عليه أخر مرة ورفضوا التواجد ديالو معاهم علاش كتكذب علاش؟ حتى من هيئة العدول هي الأخرة جرات عليه نهار الوقفة الإحتجاجية ديالهم، السيد ولى غير كيخرف و تا حد ماراضي بيه حتى ان الوجود ديالو وسطهم مكيشرفهمش و أنتما جالسين طلقوا علينا دوبيرماناتكم ربطوا شويه ناس كيكذبو غير كذبة بيضة ماشي كذبة يزلك فيها جمل.
و سعيا من موقعنا هذا إلى تنوير الرأي العام و تبيان الحقيقة و إلتزاما منا بضرورة محاربة كل أشكال الأخبار الزائفة، و حيث جاني الملل ماكاين ما ولكن و كان خاصني باش نجيب الوقت بما وصل وقت الماتش، إتصلنا بمصادرنا من عين المكان باش منظلموا حد و تقولو لينا كنمارسو على زيان حيف مقود و تكالبنا عليه، راه الفيديو لي خرج كان إحتجاج من الجلسة الافتتاحية على المقتضيات الضريبية و عدم التنصيص على إتخاد شكل المقاطعة. ها قد حصحص الحق!! ماكاين لا زيان لا سيدي زكري ماتبقاوش توهموا الناس بشي حاجة ماكايناش ..والسلام عليكم الماتش غيبدا تهلاو .
