الموت يُفجع الممثل المغربي رشيد الوالي

توفي عشية أمس السبت، الحاج إدريس طوروخو والد الفنان والمخرج المغربي رشيد الوالي عن عمر يناهز 80 سنة، بعد صراع له مع المرض.

ونشر الفنان رشيد الوالي الخبر على حسابه على الانستغرام يؤكد فيه وفاة والده الحاج إدريس طوروخو ناعيا الفقيد بالقول:

“ببالغ الحزن والأسى، ودّعت اليوم صديقاً ماشي بحال أي صديق…

الحاج دريس طوروخو. 25 سنة ديال العشرة كتعلّمك بزاف على الناس… وهاد الرجل علّمني أكثر مما علّمتني الحياة نفسها. كان كبير عليّ فالعمر، ولكن كان قريب لقلبي فالفهم، فالنصيحة، وفي الجدّية ديالو. كان أب، وكان أخ، وكان صديق… وكان واحد من الناس اللي كيدوزو فحياتك وكيخليو بصمة ما كتتمحّاش. علّمني كيف ننظّم حياتي، كيف نخطّط، كيف نحسب الأمور، كيف نكون راجل فالتعامل مع الناس. علّمني بالصبر، بالبساطة، وبالنية الصافية اللي نادرة فهاذ الزمن. كان دائماً رجل هادئ، محترم، وعندو هيبة خاصة. اليوم فقدناه… ولكن أثره باقي، وكلامه باقي، وذكرياتو محفوظة فقلبي.

تعازيّ الخالصة لبناته، لزوجته، ولأسرته كاملة. الله يصبّركم ويقوّيكم. الله يرحمو ويجعلو من أهل الجنة. رحمك الله يا حاج دريس… الصداقة الحقيقية ما كتموتش، كتبدّل غير المكان.