كاريكاتير |هكذا يسعى تُجّار البشر إلى إقبار محمد زيان وهذه دوافع إصرارهم على الكذب بشأن الإضراب المزعوم !
في الوقت لي العالم عارف أن محمد زيان يعشق الحياة وملذاتها وكيتمسك بيها كل ما سنحت ليه الفرصة بدليل ماتنشره جريدته، نجله علي رضا بطريقة ما يجهل هذه الحقيقة أو كيتغافل عليها لسبب أو لآخر نجهله نحن، وأغلب التقدير كيدير عين ميكا باش يسيفط الأب ديالو لمقبرة الغفران عله ينال نصيبا من إسمها وينال هو قسطا من الراحة و بزاااف ديال الفلوس مسخوط باه.
وحيث السخط فيه و فيه علي رضا ماكتفاش بالتأفف من باه أو رفع الصوت، السيد كيحرضو على الإمتناع عن الأكل والدخول في إضراب لا طاقة له عليه. لا سنه ولا صحته يسمحان، ولكن مع علي رضا مش هتقدر تغمض عينيك حالف فباباه حتى يصفيها ليه ومولاها ربي، ولوكان الآمر بيدو غالبا كان غيحبس عليه النعمة وحتى ذاك قرار تعليق الإضراب كان غيرفضو ليه ويبزز عليه يكملو. الحمدلله ان الأمر كان بيد إدارة سجن العرجات سبحان المطلع على نوايا عباده، رب ضارة نافعة.
الإصرار ديال علي زيان على مسألة إضراب الاب ديالو كيخلينا نطرحو تساؤل علاش هاد الحرص الشديد من علي رضا فترويج هاد المزاعم الكاذبة المتعلقة بإضراب زيان عن الطعام؟ والتساؤل الثاني شنو هو السبب اللي غيخلي صحفيين وجمعيات حقوقية تجيب الربحة بخصوص هاد الموضوع على الرغم من علمها المسبق بحيثيات الإضراب عن الطعام داخل السجون؟ وشنو هي الغاية من التخلص من محمد زيان و إهالة التراب عليه قبل الاوان ؟
علي رضا الذي دأب على استغلال المنابر المأجورة أو بعض المنابر الأجنبية لي كلنا عارفين ديالمن، باش يدلي بتصريحات مزيفة ولا أساس لها من الصحة، كيدافع فيها بشكل مبالغ فيه على الأب، اليوم هو رباعة الطوابرية باغين يسيفطوه القبر ويتهناو منو و أكيد الامر يتعلق بشي همزة صحيحة نيت، فأي متتبع لهاد الملف غادي يفهم ان الإبن العاق جعل من قضية والده مطية يحقق بها مآربه الشخصية و هو الذي لم يدخر جهدا ليطعن و يبخس عمل المؤسسات الوطنية.
على العموم، السي علي رضا، زيان اللي باغي تصفيها ليه انت ودوك رباعة شناقة راه واكل شارب من اموال دافعي الضرائب فابور وأصلا هو عزيز عليه حاجة الفابور و عزيز عليه يختلس الاموال العامة راه هوايته هادي وبغيتيه يدير عليها إضراب؟ و مزال غيدك و يدكدك و وغادي يدوز العقوبة الحبسية ديالو ويخرج و ياخدها بنت 18 لعام كاع و يخلي ليك الوريث لي غيجلطك أنت وصحابك.
