الحلقة 2 من حكايات “الدق تم”… هذا ما لا تعرفونه عن مؤامرة عائلة عمر الراضي من أجل إخراج ابنهم المُغْتَصِبْ من السجن !

راضية الإبراهيميالجمعة 23 يونيو 2023 / 16:23

الإخوان ها واحد السلام و عليكم، و سبيسيال ديديكاس للمولوعين بالمؤامرة المخزنية، اليوم فالحلقة الثانية من الدق تم، غنهضرو على لافامي الراضي لي كثر نواحها هاد الأيام مابقا يعجبها العجب ماعرفناش أشنو المطلوب باش يرضاو هاد الناس متناقدين غير مع راسهم.

بمجرد مكتنافى المصلحة الشخصية ديالهم مع العامة، كيقلبو الفيستا وكيوليو راسي يا راسي ، و هادشي لي دار الأب ديالو مؤخرا و خرج لينا با إدريس بمطالب فيسبوكية لإدارة السجون كدعو للتفرقة بين المحابسية و بلي ولدو ماشي بحال الحباسة لاخرين و خاصو زنزانة بوحدو، لي أصلا كان فيها و كان يقول بلي عازلينو بوحدو و كيضيقو عليه كعقاب ليه بسبب كتابات الأهل ديالو فين هو اللوجيك هنا أ با إدريس؟ دبا غير بالعقل و بالهداوة قولينا أش بغيتي واش يجلس بوحدو ولا مع خوتو، أنا راه أول مرة كنشوف شي حقوقي كيظل مصدعنا بالمساواة و فالتالي كيطلب الحصول على إمتيازات ليه علاش زعما شنو الفرق بين عمر و باقي المحابسية؟

تدوينات با إدريس فالفيسبوك كتحاول ترد لينا من المغتصب ديال ولدو بطل قومي، و معتقل رأي غصبوه فشبابو مسكين و هو لي مارمش ليه شفر ملي كان كيتكرفص على الضحية مسكينة، إذا يا با إدريس لي دارها بيديه يفكها بسنيه علاش هاد الدراما كاملة، كان ممكن نتعاطفو معاك انت ودواحة ديال مرتك اللي ردات من قضية ولدها فيزا مفتوحة كتسركل بها العالم كون لمسنا 1% من المصداقية في هاد القضية ولكن راه السيد عندكم غاطس فالتهمة من ساسو لراسو، ماصبنا ليكم جهد مع الأسف و الإنسان السوي راه اكيد غادي يتعاطف مع الضحية ماشي معاكم، واش لهاد الدرجة عندكم عادي تهتكوا عرض بنت و طالبوا بحرمانها من حقها فالعدالة ترضاو هادشي على بنتكم.

و أكثر حاجة ضحكتني فتدوينات با دريس هي هاديك لي قال فيها “نقلوه إلى زنزانة مكتظة وملوثة بالحشرات(سراق الزيت) والقمل وينام على الأرض” ولدك ا با دريس سميتو حليمة يخاف من سراق الزيت و الحشرات ياك قلتو راجل و كيواجه النظام على قدو غيخلعو سراق الزيت هادشي الا كان أما بخصوص القمل مكنعتقدش انه باقي شي حد مقمل دبا وخصوصا فالمدن و أنا كنقولها ديما و غنعاودها الحبس عندنا هو البلاصة الوحيدة لي كيخرج منها الحباس زوين و صحيح إلا جينا ضربنا طلة على ولدك دبا غنلقاوه غيخرج حسن من قبل مايدخل غير إرتاح با إدريس و باراكا من الدراما كوين راك فتي الوليات فالنواح.

و من محاسن الصدف هي أخر تدوينة لبا دريس لي كيستدل هادشي لي واقع لولدو من مقدمة إبن خلدون و كيقول نقلا عن المؤلف :

عندما تنهار الدول يكثر فيها المنجمون، والمتسولون، والمنافقون، والمدّعون، والكتبة والقوّالون، والمغنون النشاز، والشعراء النظّامون، والمتصعلكون، وضاربو المندل (قد يكون الدف) وقارعو الطبول، والمتفيهقون، وقارئو الكفّ بالطالع والنازل، والمتسيّسون، والمدّاحون والهجّاؤون، وعابرو السبيل والانتهازيون، فتتكشف الأقنعة ويختلط ما لا يختلط، يضيع التقدير ويسوء التدبير، وتختلط المعاني والكلام، ويختلط الصدق بالكذب، والجهاد بالقتل.

عندما تنهار الدول، يسود الرعب ويلوذ الناس بالطوائف، وتظهر العجائب وتعم الإشاعة، ويتحول الصديق الى عدو والعدو الى صديق، ويعلو صوت الباطل ويخفت صوت الحق، وتظهر على السطح وجوه مريبة وتختفي وجوه مؤنسة، وتشح الأحلام ويموت الأمل، وتزداد غربة العاقل، وتضيع ملامح الوجوه، ويصبح الانتماء الى القبيلة أشد التصاقا، والى الأوطان ضربا من ضروب الهذيان.

با إدريس كان غرضو يكلاشي شي حد صدق مكلاشي غير ولدو حيث أكثر واحد كينطبق عليه هاد المقتطف مجرد إنتهازي صعلوك يفتقر للمروءة والرجولة غير بانت ليه مرا طاح ليه ماسك و تحول من صديق لعدو و ظهر وجهه المريب و إختفى وجهه المؤنس، المهم السي دريس راه لافرق بين ولدك و بين هادو لي ذكرتي و باراكا علينا من الدراما و خلي القانون ياخد مجراه و لي دار الذنب يستاهل العقوبة ولدك راه مغتصب ماشي معتقل رأي تقبلو هاد الحقيقة المرة واخا قاصحة شوية و السلام عليكم و رحمة الله .

الوسوم